काठमाडौं । कोरोना भाइरसको महामारीमा सर्वसाधारणलाई राहत दिन भन्दै बीमा समितिले अघि बढाएको कोरोना बीमामा हिजो एकै दिन साढे तीन हजारले बीमा गराएका छन् । कोरोना बीमा पुलबाट प्राप्त तथ्याङ्क अनुसार सोमबार एकै दिन तीन हजार ४४९ जनाले कोरोना बीमा गराएका छन् ।
हालसम्म ३३ हजार ४६३ जनाको कोरोना भाइरसविरुद्ध बीमा गरिएको छ भने बीमा शुल्क दुई करोड नजिक पुगेको छ । सोमबार साँझसम्मको तथ्याङ्क अनुसार एक करोड ८१ लाख तीन हजार १४० रुपैयाँ बीमा शुल्क उठेको छ ।
