काठमाडौं । कोरोना महामारीका विरुद्धमा सिंगो देश लकडाउन गरेर संघर्ष गरिरहको नेपाल सरकारलाई सहयोग गर्ने क्रम जारी छ । यसै क्रममा नेपाल एसबीआई बैंकले ८५ लाख रुपैयाँ कोरोना उपचारको लागि सहयोग गर्ने निर्णय गरेको छ ।
बैंकले सामाजिक उत्तरदायित्व अन्तर्गत कोरोना उपचार कोषमा ५० लाख, ७ वटा प्रदेश सरकारलाई कूल ३५ लाख गरी कूल ८५ लाख रुपैयाँ सहयोग गर्ने निर्णय गरेको हो । बैंकले आज यस्तो निर्णय गरेको जनाएको छ ।
त्यस्तै, बैंकले १५ लाख रुपैयाँ स्वच्छाले विभिन्न सामाजिक संघ संस्थालाई सहयोग गर्ने जनाएको छ ।
