काठमाडौं । प्राइम कमर्सियल बैंकले नेपाल सरकारले स्थापना गरेको केन्द्रीय उपचार कोषमा पौने दुई करोड रुपैयाँ सहयोग गरेको छ ।
प्रधानमन्त्री कार्यालय मातहत खोलिएको कोरोना भाइरस रोकथाम, नियन्त्रण तथा उपचार कोषमा बिहिवार प्राईम बैंकले एक करोड ७५ लाख रुपैयाँ जम्मा गरेको हो ।
बैंकले सामाजिक उत्तरदायित्व अन्तर्गत महामारी रोकथाम तथा नियन्त्रण अभियानलाई सघाउन उपचार कोषमा रकम दाखिला गरेको बैंकका प्रमुख कार्यकारी अधिकृत नारायणदाश मानन्धरले बताए ।
