काठमाडौं । मेरो किराना अनलाईनबाट सामान खरिद गर्दा एनआइसी एशिया बैंकका ग्राहकहरुले १० प्रतिशतसम्म रकम फिर्ता पाउने भएका छन् । यसैबीच बैंक र मेरो किरानाबीच यस्तो सम्झौता भएको छ ।
राष्ट्रिय तथा अन्तर्राष्ट्रिय ब्राण्डका खाद्य सामग्री पाइने ईकमर्स साइट मेरो किरानामा साझेदारी बमोजिम एनआइसी एशिया बैंकको डेबिट र क्रेडिट कार्ड तथा मोबाइल बैंकिङ्ग प्रयोगकर्ताहरुले उक्त सुविधा पाउने बैंकले जनाइएको छ ।
मेरो किरानाबाट अनलाईन सामान खरिद गरी रकम भुक्तानी गर्दा १० प्रतिशत वा प्रति कारोबार ५०० रुपैयाँसम्म र बढीमा एक हजार रुपैयाँसम्म रकम फिर्ता पाइने बैंकले जनाएको छ । यो योजना चैत मसान्तसम्म लागू हुने बताइएको छ ।
