काठमाडौं । प्राणघातक कोराना भाइरसका विरुद्धमा लडिरहेका बेलायतका प्रधानमन्त्री बोरिस जोन्सन नै कोरानो भाइरसको सिकार हुन पुगेका छन् । ५५ बर्षिय प्रधानमन्त्री जोन्सन विरामी भएपछि परिक्षणको क्रममा कोरोना भाइरस (कोभिड–१९) पोजेटिभ पाइएको हो ।
बेलायती समाचार संस्था डेलिमेलका अनुसार उनले संक्रमित अवस्थाबाटै कोरोनाविरुद्धको लडाई जारी राखेको जनाईएको छ । उनमा मध्यमस्तरको संकेतहरु देखिएको जनाइएको छ ।
बेलायती प्रधानमन्त्री जोन्सनले आफूमा मध्यमस्तरको संकेतहरु देखिएपछि परिक्षण गरिएको र उक्त परिक्षणको कोरोना पुष्टि भएको जनाएका छन् । साथै उनले आफू अहिले सेल्फ आईसोलेशनमा घरैमा बसेर कोरोनाविरुद्धका लडाईको नेतृत्व गरिरहेको बताएका छन् ।
प्रधानमन्त्रीलाई नै कोरोना भएपछि बेलायत उच्च अधिकारीहरुमा पनि कोरोना फैलिएको आशंकामा आतंक मच्चिएको छ । मानिसबाट सजिलै सर्ने कोरोनाले यसअघि स्पेन र क्यानाडाका प्रधानमन्त्रीकी श्रीमतीहरुलाई कोरोना पोजेटिभ देखिएको थियो ।
