काठमाडौं । हिमालयन बैंकको गत सोमबार बसेको सञ्चालक समितिको बैठकले सिईओ पदमा पुनः अशोक शम्सेर राणालाई आगामी २०७७ साल बैशाखबाट लागू हुने गरी नियुक्त गर्ने निर्णय गरेको छ ।
बाफियामा भएको व्यवस्था अनुसार लगातार तीन कार्यकाल सिईओ हुन नपाउने व्यवस्था भएपनि बाफियाभन्दा अगाडिको कार्यकाल गणनाबाट हटाई पुनः सिईओ पदमा नियुक्त गरिएको हो ।
राणाको कार्य सम्पादन मूल्याङ्कन राम्रो रहेकाले उनलाई आगामी चार वर्षका लागि सिईओ पदमा नियुक्त गर्ने सञ्चालक समिति बैठकले निर्णय गरेको जनाइएको छ । विगत २३ वर्षदेखि बैंकिङ क्षेत्रमा काम गरेका राणा अनुभवी मानिन्छन् ।
