काठमाडौं । एनआईसी एशिया बैंकले डिजिटल बैंकिङ्गका विभिन्न सेवाहरू निःशुल्क गरेको छ । कोरोना भाइरस महामारीको जोखिम न्यूनिकरणका लागि बैंकले विभिन्न बैंकिङ सेवाहरु निःशुल्क गर्ने भएको हो ।
कोरोना भाइरस महामारीको जोखिम न्यूनिकरणका लागि नेपाल सरकारले गरेको रोकथाम तथा नियन्त्रणको प्रयासलाई टेवा पु-याउने उद्देश्यले इन्टरनेट तथा मोबाइल बैंकिङ्ग लगायतका विद्युतिय माध्यमबाट गरिने भुक्तानीका सबै सेवाहरू निःशुल्क गरेको बैङ्कले जनाएको छ ।
बैंकले ग्राहकको स्वास्थ्य तथा सुविधालाई मध्यनजर गर्दै ग्राहकलाई घरमै बसेर अनलाईन खाता खोल्न मिल्ने सुविधा प्रदान गर्नुको साथै, इन्टरनेट तथा मोबाइल बैंकिङ्ग लगायका विद्युतीय माध्यमबाट गरिने निम्नलिखित भुक्तानीका सेवाहरू अर्काे सूचना जारी नगरेसम्मको लागि निःशुल्क गरेको जनाइएको छ ।
