काठमाडौं । नेपाल लाइफ इन्स्योरेन्स कम्पनी लिमिटेडको प्रबक्तामा कम्पनीका उप प्रमुख कार्यकारी अधिकृत सन्तोष प्रसाई नियुक्त भएका छन् ।
कम्पनीको आज बसेको संचालक समितिको बैठकले उप–प्रमुख कार्यकारी अधिकृत प्रसाईँलाई प्रवक्ताको जिम्मेवारी दिएको हो । बीमा क्षेत्रमा लामो समय काम गरेका प्रसाईलाई प्रबक्ता तोकेसँगै कम्पनीको ब्राण्डिङ र बजारिकरण थप प्रभावकारी जनाएको छ ।
जीवन बीमा कम्पनीहरूमध्ये करिब एक तिहाई बजारहिस्सा ओगटेको यस कम्पनीको चुक्ता पूँजी पाँच अर्ब ५० करोड रहेको छ भने बीमा कोषमा ८६ अर्ब २६ करोड रुपैयाँ रहेको छ ।
देशैभरि एक लाख ५२ हजार ४ सय १२ प्रशिक्षित अभिकर्ता रहेको यस कम्पनीले सेवाग्राहीहरू तथा ग्राहकहरूका लागि हालसम्म देशभर फैलिएका दुई सय शाखा तथा उप शाखा कार्यालयहरु मार्फत जीवन बीमासम्बन्धी सम्पूर्ण सेवा उपलब्ध गराइरहेको छ ।
