काठमाडौं । कामना सेवा विकास बैंकले १२३ औं शाखा कार्यालय ललितपुरको ग्वार्खोमा सञ्चालनमा ल्याएको छ । सेवा विस्तार गर्ने क्रममा प्रदेश नं ३ अन्तर्गत ललितपुर जिल्लाको ललितपुर महानगरपालिका वडा नं १७ स्थित ग्वार्खोमा यही फागुन २९ गतेदेखि नयाँ शाखा कार्यालय स्थापना गरी उद्घाटन गरिएको बैंकले जनाएको छ ।
ललितपुर महानगरपालिका वडा नं १७ का अध्यक्ष विनोद महर्जन तथा बैंकका संचालक विश्वेश्वर सुवेदीले संयुक्त रुपमा शाखाको उद्घाटन गरेको बैंकले जनाएको छ । उक्त कार्यक्रममा बैंकका प्रमुख कार्यकारी अधिकृत प्रविण बस्नेतले बैंकका वर्तमान अवस्था र भावी कार्ययोजना तथा रणनीतिका बारेमा प्रकाश पार्दै ललितपुरको सो क्षेत्रका जनतालाई सरल र छरितो बैंकिङ सेवा प्रवाह गर्ने बताए ।
