काठमाडौं । राष्ट्रिय बाणिज्य बैंकले २ अर्ब ५० करोड रुपैंया बराबरको ऋणपत्र निष्काशन गर्ने भएको छ । बैंकले उक्त रकम बराबरको ऋणपत्र जारी गर्नका लागि एनआईबिएल एस क्यापिटललाई निष्काशन तथा बिक्री प्रबन्धक नियुक्त गरेको जनाएको छ । सो सम्बन्धी बैक र क्यापिटलले एक आपसमा सम्झौता गरेका छन् ।
सम्झौतापत्रमा राष्ट्रिय बाणिज्य बैंकका प्रमुख कार्याकारी अधिकृत किरण कुमार श्रेष्ठ र एनआईबिएल एस क्यापिटल लिमिटेडको तर्फबाट प्रमुख कार्यकारी अधिकृत शिवान्त बहादुर पाँडेले सम्झौता पत्रमा हस्ताक्षर गरेका हुन् ।
बैंकले १ हजार रुपैंया अंकित दरमा २५ लाख कित्ता ऋणपत्र निष्काशन गर्न लागेको हो । बैंकले १५ लाख कित्ता ऋणपत्र परिपत्र विधिबाट र १० लाख कित्ता ऋणपत्र सार्वजनिक निष्काशन प्रकृयाबाट बिक्री गर्ने जनाएको छ ।
बैंकले ६ वर्ष अवधिको ऋणपत्र निष्काशन गर्न लागेको हो । अर्धवार्षिक रुपमा १०.२० प्रतिशत व्याज प्रदान गरिने बैंकले जनाएको छ ।
