काठमाडौं । चर्को मूल्यबृद्धिसँगै बजारमा कारोवार हुन छोडेपछि नेपालका विभिन्न बैंकहरुमा झण्डै साढे तीन अर्बको सुन रोकिएको छ । छोटो अवधीमा नै तोलामा भारी मूल्यबृद्धि भएपछि सुनको बिक्री लगभग ठप्प हुँदा सुन आयात गर्ने बैंकमै ठूलो मात्रामा सुन रोकिएको छ ।
अनौपचारिक स्रोतका अनुसार सुन आयात गर्ने विभिन्न बैंकहरुमा पाँच सय किलोभन्दा बढि सुन बिक्री नभएर थन्किएको छ । एक बैंकका अनुसार माघको अन्तिम साताबाट सुरु भएको सुनको मूल्यबृद्धिसँगै सुनको कारोबार लगभग ठप्प भएको छ । बैंकमा ठूलो मात्रामा सुन थुप्रिएपछि बैंकहरुको कारोबार समेत ह्रास आएको छ । बैंकहरुले सुन आयात गरी सुनको कारोबारबाट समेत राम्रो आम्दानी गर्दै आएका छन् । कारोबार नहुने र मूल्यमात्रै बृद्धि हुने अवस्थाले बैंकमा सुन थन्किएको हो ।
