काठमाडौं । डिप्रोक्स लघुवित्त वित्तीय संस्था लिमिटेडले नगद लाभांश शेयरधनीहरुको बैंक खातामा जम्मा गरेको छ । लघुवित्तले गत आर्थिक वर्षको मुनाफाबाट वितरण गर्ने घोषणा गरेको नगद लाभांश खातामा जम्मा गरेको हो ।
लघुवित्तले १५ प्रतिशत नगद लाभांश हितग्राही खातामा बैंक खाता अद्यावधिक गराएका शेयरधनीहरुको बैंक खातामा गत फागुन १ गतेदेखि जम्मा गरिएको जनाएको छ । गत माघ २६ गते सम्पन्न लघुवित्तको १८ औँ वर्षिक साधारण सभाले सो दरमा नगद लाभांश वितरण गर्ने प्रस्ताव पारित गरेको थियो ।
साधारण सभा तथा लाभांश वितरण प्रयोजनार्थ लघुवित्तले माघ १३ गतेदेखि २६ गतेसम्म बुकक्लोज गरेको थियो । यस अनुसार माघ १२ गतेसम्म नेप्सेमा कारोबार भई कायम शेयरधनीहरुले मात्र सो लाभांश प्राप्त गर्न सक्नेछन्।
