काठमाडौं । कालिका लघुवित्त वित्तीय संस्थाको भोलि फागुन ६ गते मंगलबारदेखि नेपाल स्टक एक्सचेञ्जमा शेयर कारोबार खुला हुने भएको छ ।
जनसेवी लघुवित्तसँग मर्जर प्रकृयामा रहेको कारण लघुवित्तको गत जेठ ५ गतेदेखि शेयर कारोबार रोक्का रहेको थियो ।यी दुई कम्पनीविच एकीकृत कारोबार गत पुस २३ गतेदेखि शुरु भएको हो ।
सोमबार नेप्सेले जनसेवी लघुवित्त वित्तीय संस्थाको १४ लाख ४३ हजार ३०० कित्ता शेयर कालिका लघुवित्तको नाममा सूचीकरण गर्दै मर्जर प्रकृयाका कारण रोक्का रहेको कम्पनीको शेयर कारोबार फुकुवा गरेको हो।
