काठमाडौं । आर्थिक वर्ष ०७६/७७ दोस्रो त्रैमाससम्ममा गरिमा विकास बैंकले ३२ करोड ५५ लाख रुपैयाँ नाफा गरेको छ । यो नाफा गत आवको सोही अवधीको तुलनामा १० प्रतिशतले बढी हो । गत आर्थिक वर्षको पुससम्ममा बैंकले २९ करोड ५८ लाख रुपैयाँ नाफा गरेको थियो ।
३ अर्ब २३ करोड ८६ लाख रुपैयाँ चुक्ता पुँजी भएको बैंकको जगेडा कोषमा ६२ करोड ७४ लाख संचिती रहेको छ । ६ महिनाको अवधिमा बैंकको वितरण योग्य नाफा २१ करोड ४७ लाख रुपैयाँ छ ।
चालु आवको पुससम्ममा बैंकमा ३३ अर्ब ७३ करोड रुपैयाँ ग्राहकको निक्षेप रहेको छ भने ३३ अर्ब २१ करोड रुपैयाँ कर्जा प्रबाह गरेको छ । सो अवधीमा बैंकको खुद ब्याज आम्दानी ८० करोड ६२ लाख रुपैयाँ कमाएको छ ।
बैंकको प्रतिशेयर आम्दानी ६७ पैसाले घटेर २०.०७ रुपैयाँ कायम भएको छ । बैंकको खराव कर्जा ०.३९ प्रतिशत छ । बैंकको मूल्य आम्दानी अनुपात ११.२६ गुणा, प्रति शेयर नेटवर्थ १२६ रुपैयाँ ३४ पैसा छ ।
