काठमाडौं । शाइन रेसुङ्गा डेभलपमेन्ट बैंकले चालु आर्थिक वर्षको दोस्रो त्रैमाससम्ममा ३० करोड ७ लाख रुपैयाँ खुद नाफा आर्जन गरेको छ। गत आर्थिक वर्षको यसै अवधिको तुलनामा बैंकको खुद नाफा ५१.१२ प्रतिशतले बढी हो ।
दुई अर्ब ६२ करोड २९ लाख रुपैयाँ चुक्ता पूँजी रहेको बैंकको शेयरधनी कोषमा ८७ करोड ३५ लाख रुपैयाँ तथा जगेडा कोषमा ५३ करोड ५२ लाख रुपैयाँ सञ्चित छ ।
समीक्षा अवधिसम्ममा २६ अर्ब ७७ करोड ५६ लाख रुपैयाँ निक्षेप संकलन गरेको बैंकले २३ अर्ब ९८ करोड ८२ लाख रुपैयाँ कर्जा परिचालन गरेको देखिन्छ । गत आवको तुलनामा बैंकको निक्षेप संकलन ४२ प्रतिशत र कर्जा परिचालन ५०.३१ प्रतिशतले बढी हो ।
चालु आर्थिक वर्षको पुस मसान्तसम्ममा बैंकले ६८ करोड ६६ लाख रुपैयाँ खुद ब्याज आम्दानी गरेके छ। यो गत आवको सोही अवधिको तुलनामा २७ करोड ६६ लाख रुपैयाले धेरै हो। गत वर्ष बैंकले ४० करोड ९९ लाख रुपैयाँ खुद ब्याज आम्दानी गरेको थियो ।
त्यस्तै। बैंकको सञ्चालन मुनाफा ४२ करोड ७० लाख रुपैयाँ रहेको छ। यो गत आवको तुलनामा १४ करोड ४५ लाख रुपैयाँले वृद्धि भएको हो ।
बैंकको प्रतिशेयर आम्दानी २२ रुपैयाँ ९४ पैसा रहेको छ । प्रतिशेयर नेटवर्थ १५३ रुपैयाँ ७१ पैसा रहेको छ भने मूल्य आम्दानी अनुपात ११.१६ गुणा रहेको छ ।
