काठमाडौं । बैंक अफ काठमान्डूको संस्थापक सेयर लिलामीमा आवेदन दिने आज बुधबार अन्तिम दिन रहेको छ । बैंकले माघ १५ गतेबाट संस्थापक सेयरधनी शक्ति कुमार गोल्यानको नाममा रहेकोे ३ लाख ७० हजार ३५६ कित्ता संस्थापक सेयर लिलामी बिक्री खुला गरेको थियो ।
लिलामी सेयरमा बैंककै संस्थापक सेयरधनीसहित अन्य व्यक्ति, कम्पनी तथा संघसंस्थाले आवेदन दिन सक्नेछन् ।
यसमा न्यूनतम १६० रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नुपर्नेछ । लगानीकर्ताले न्यूनतम १ हजार कित्तादेखि अधिकतम सबै कित्ताका लागि आवेदन दिन सक्नेछन् ।
यसअघि बैंकले ३५ दिने सूचना जारी गरी यो सेयर बिक्री खुला गरेको थियो । सो समयमा आवेदन नपरेपछि बैंकले सर्वसाधारणले पनि किन्ने सक्ने गरी बिक्री खुला गरेको हो । बिक्री एनएमबि क्यापिटल नागपोखरी, काठमाडौंमा पुग्ने गरी आवेदन बुझाउनुपर्नेछ ।
