काठमाडौं । बागमति प्रदेशको राजधानी हेटौडा आसपासका क्षेत्रमा विगत छ घण्टादेखि परेको भिषण असिनापानीका कारण लाखौं बाली नष्ट भएको छ । असिनापानीबाट तोरी, आलुलगायतका बाली नष्ट भएको स्थानीयबासीले जनाएका छन् ।
मकवानपुरको गढी, बागमति, भिमफेदी गाउँपालिका तथा हेटौडा उपमहानगरपालिका लगायतका क्षेत्रमा परेको भिषण असिना पानीले स्थानीय किसानको खेतमा रहेको बालीमा ठूलो नोक्सान पुर्याएको जनाइएको छ । असिनापानी पछि स्थानीय सामरी खोला, कुले भिमफेदी खोलामा बाढी नै आएको छ ।
असिनाबाट बाली नष्ट भएका किसानले बाली बीमा नगरेको जानकारी दिएका छन् । बीमा कम्पनीहरुले किसानसँग व्यक्तिगत रुपमा बाली बीमा गर्न नमान्ने र समुह वा कृषि फर्म बनाएर आउन आग्रह गर्ने गरेकाले बीमा बीमा गर्न नसकेकोले यस वर्ष ठूलो क्षति व्यहोर्नु परेको मकवानपुर गढीका गाउँपालिकाका किसान चतुरमान विकले बताए ।
