काठमाडौं । तीन कम्पनीको बोनश शेयरपछि शेयरमुल्य समायोजन भएको छ । हिमालयन बैंक, डिप्रोक्स लघुवित्त र नागबेली लघुवित्तको शेयरमूल्य समायोजन भएको हो । नेपाल स्टक एक्सचेञ्जमा यी तीनवटै कम्पनीको माघ १३ गते सोमबार गत आवको मुनाफाबाट प्रस्तावित बोनसमा शेयरमूल्य समायोजन भएको हो ।
तीनवटै कम्पनीले गत आर्थिक वर्षको कमाईबाट लाभांश वितरण तथा साधारण सभा प्रयोजनार्थ बुकक्लोज गरेसँगै नेप्सेले शेयरमूल्य समायोजन गरी नयाँ शेयरमूल्य निर्धारण गरेको हो ।
नेप्सेले हिमालयन बैंकको १० प्रतिशत बोनस शेयरपछिको शेयरमूल्य समायोजन गरी प्रतिकित्ता ५१३ रुपैयाँ ६४ पैसा कायम गरेको छ ।
डिप्रोक्स लघुवित्तको ३० प्रतिशत बोनस शेयरपछिको शेयरमूल्य समायोजन गरी प्रतिकित्ता ७९३ रुपैयाँ ८५ पैसा कायम गरेको छ ।
त्यस्तै, नेप्सेले नागबेली लघुवित्तको २६ प्रतिशत बोनस शेयरपछिको मूल्य समायोजन गरी प्रतिकित्ता ४६६ रुपैयाँ ६७ पैसा कायम गरेको छ ।
