काठमाडौं । नेशनल लाईफ इन्स्योरेन्स कम्पनी लिमिटेडले एक करोड तीन लाख १५ हजार रुपैयाँ बराबरको मृत्यु दाबी भुक्तानी गरेको छ । कम्पनीले झापाको विर्तामोडस्थित होटल ग्राण्ड प्यासिफिकमा आज एक कार्यक्रम आयोजना गरी आयोजना गरी मृतक इन्द्रप्रसाद दंगालको मृत्यू दाबी भुक्तानी गरेको हो ।
उक्त कार्यक्रममा विर्तामोड उद्योग वाणिज्य संघका अध्यक्ष कुमार भट्टराईले मृतक दंगालको धर्मपत्नी सुष्मिता थपलिया (दंगाल) लाई उक्त रकम चेक हस्तान्तरण गरेका थिए ।
मृतक दंगालको कार्तिक ४ गते दुर्घटनाका कारण मृत्यु भएको थियो । उनले २०७६ असार ३१ गते ५० लाख रुपैयाँको दोहोरो दुर्घटना लाभसहितको १६ बर्षे अमृत वर्षा जीवन वीमालेख खरीद गरेका थिए ।
