काठमाडौं । पुष २७ गते नेप्सेमा ४२ दशमलव ६१ अंकको वृद्धि देखियो। परिसूचक ३ दशमलव ५१ प्रतिशतको वृद्धि देखिएसंगै बजारमा लगानीकर्ताहरुको खुशीको सीमा थिएन। आज सम्पूर्ण उपसुचकमा वृद्धि देखिएको छ। आज अरु सेक्टरभन्दा बीमा कम्पनीहरुमा लगानीकर्ता मालामाल भए। निर्जीवन बीमा कम्पनीहरुको उपसुचकमा सर्वाधिक ८ दशमलव १७ प्रतिशतको वृद्धि देखिएकोमा दोश्रोमा जीवन बीमा कम्पनीहरुको उपसुचकमा ६ दशमलव ८६ प्रतिशतको वृद्धि देखिएको छ।
जीवन बीमा कम्पनीहरु मध्य सूर्या लाईफ इन्स्योरेन्सको बजार मूल्य सर्वाधिक १० प्रतिशतले वृद्धि भएको छ भने नेपाल लाईफ इन्स्योरेन्सको शेयर मूल्य सबै भन्दा थोरै ४ दशमलव ६९ प्रतिशतको वृद्धि देखिएको छ।
त्यस्तै निर्जीवन बीमा तर्फ नेपाल इन्स्योरेन्स, प्रिमियर इन्स्योरेन्स, प्रभु इन्स्योरेन्स र सिद्धार्थ इन्स्योरेन्सको बजार मूल्य १० प्रतिशतले वृद्धि भएको छ भने राष्ट्रिय बीमा कम्पनीको बजार मूल्य सबै भन्दा थोरै ५ दशमलव ०२ प्रतिशतले वृद्धि भएको छ।
आज जीवन बीमा कम्पनीहरुको औसत बजार मूल्य ८ दशमलव ४८ प्रतिशतले वृद्धि भएको छ भने निर्जीवन बीमा कम्पनीहरुको औसत मूल्य ९ दशमलव २७ प्रतिशतको वृद्धि देखिएको छ।