काठमाडौं । सूर्योदय लघुवित्त वित्तीय संस्थाले पुस ५ गते साधारण सभा गर्ने भएको छ । साधारण सभा जिल्ला समन्वय समिति स्याङ्जाको सभाहलमा पुस ५ गते बिहान ८ बजे सुरु हुने संस्थाले जनाएको छ ।
सभामा सूर्योदयले त्रिलोक लघुवित्त वित्तीय संस्थासँग मर्जरमा जाने विशेष प्रस्ताव पेश गर्नेछ ।
त्यस्तै, सभामा सूर्योदय लघुवत्तको सञ्चालक समितिले प्रस्ताव गरेको ४४.४७ प्रतिशत बोनस सेयर र कर तिर्न २.३४ प्रतिशत नगद गरी कुल ४६.८१ प्रतिशत लाभांश पारित गर्ने प्रस्ताव समेत रहेको छ ।
मर्जरपछि सूर्योदय लघुवित्त वित्तीय संस्था लिमिटेडको नामबाट वित्तीय कारोबार गर्ने हुनेछ । बोनस वितरणपछि कायम पुँजी अनुसार सूर्योदयले त्रिलोकलाई १ बराबर ०.९७ सेयर स्वाप अनुपातमा मर्जर गर्ने उल्लेख गरिएको छ ।
हाल यस लघुवित्तको चुक्ता पुँजी १० करोड ५९ लाख १९ हजार रुपैयाँ छ ।
