काठमाडौं । समता लघुवित्त वित्तीय संस्थाको २०० प्रतिशत हकप्रद सेयरमा आवेदन दिने आज अन्तिम दिन रहेको छ । संस्थाले असोज २७ गते सोमबारबाट हकप्रद खुला गरेको थियो ।
लघुवित्तले हाल कायम चुक्ता पुँजी ६ करोड ६ लाख ७२ हजार रुपैयाँको आधारमा २०० प्रतिशत हकप्रद सेयर बिक्रीमा ल्याएको हो । समता लघुवित्तले प्रतिकित्ता १०० रुपैयाँका दरले १ः२ अनुपातमा कुल १२ लाख १३ हजार ४४० कित्ता हकप्रद सेयर निष्कासन गरेको छ ।
कम्पनीले हकप्रद सेयर निष्कासनका लागि असोज १ बुक क्लोज गरिसकेको छ । भदौ ३१ गते सम्म कायम सेयरधनीले यो हकप्रद दाबी गर्न सक्नेछन् । बिक्री प्रबन्धकमा एनआइबीएल एस क्यापिटलले रहेको छ ।
एनआइबीएल एस क्यापिटल लाजिम्पाट काठमाडौं तथा शाखा कार्यालयहरु लालदरबार, काठमाडौं, लगनखेल ललितपुर, चिप्लेढुंगा पोखरा, आदर्शनगर वीरगञ्ज, ट्राफिकचोक बुटवल र गोल्छाचोक विराटनगरबाट आवेदन दिन सकिनेछ ।
समता लघुवित्तको जीतपुर, सिमरा कार्यालयबाट पनि फारम पाइनेछ । सी–आस्वा सदस्यता लिएका बैंक तथा वित्तीय संस्थाहरुबाट हकप्रद भर्न पाइने छ । रेटिङ एजेन्सी केयर नेपालले यस हकप्रदलाई औसत आधार जनाउने ‘ग्रेड ४’ रेटिङ दिएको छ ।
