काठमाडौं । प्रभु बैंकको १६ दशमलव ८४२ प्रतिशत लाभांश सुरक्षित गर्ने सोमबार अन्तिम दिन रहेको छ । सभा बैंकको केन्द्रीय कार्यालय बबरमहल, काठमाडौंमा अपराह्न २ बजे सुरु हुने बैंकले जनाएको छ ।
मंसिर ६ गते साधारण सभा बोलाएको यस बैंकले (कात्तिक २६ गते) बुक क्लोज गर्दैछ । त्यसकारण सोमबारसम्म कायम सेयरधनीले मात्र बैंकले वितरण गर्ने लाभांश सुरक्षित गर्नेछन् ।
बैंकले गत वर्षको नाफाबाट १६ प्रतिशत बोनस सेयर र कर तिर्न ०.८४२ प्रतिशत नगद लाभांश वितरण गर्न लागेको हो ।
सभामा बैंकले सेयर ब्रोकरको काम गर्न सहायक कम्पनी स्थापना तथा सञ्चालन गर्ने व्यवस्था थप गरी प्रबन्धपत्र संशोधन गर्ने प्रस्ताव पनि लैजानेछ । साथै, अन्य बैंक तथा वित्तीय संस्थासँग मर्जर वा एक्विजिसनमा जानु परेमा सम्पूर्ण कामको अख्तियारी सञ्चालक समितिलाई दिने एजेन्डा छ ।
बैंकले हाल कायम ८ अर्ब ८९ करोड २६ लाख ७४ हजार ७०६ रुपैयाँ चुक्ता पुँजीमा १६५ बोनस सेयर लाभांशको रुपमा वितरण गर्न लागेको हो । बोनस वितरणपछि पुँजी १० अर्ब ३१ करोड ५५ लाख २ हजार रुपैयाँ पुग्नेछ ।