कञ्चन डेभलपमेन्ट बैंकले चालु आर्थिक वर्षको प्रथम त्रैमासको वित्तिय विवरण सार्वजनिक गरेको छ। चालु आर्थिक वर्षको प्रथम त्रैमास सम्म कम्पनीले १ करोड ३९ लाख रुपैया खुद नाफा कमाउन सफल भएको छ। गत आर्थिक वर्षको प्रथम त्रैमास सम्म कम्पनी १ करोड १९ लाख रुपैयाँ खुद नाफा गरेको थियो।
कम्पनीको वार्षिक प्रति शेयर आम्दानी १० रुपैया ५३ पैसा रहेको छ। गत आर्थिक वर्षको पहिलो त्रैमासमा कम्पनीको प्रति शेयर आम्दानी ९ रुपैया ०२ पैसा थियो। कम्पनीले खुद नाफामा १७ प्रतिशतले वृद्धि गर्न सफल भएको छ भने प्रति शेयर आम्दानी १७ प्रतिशतको वृद्धि गर्न सफल भएको छ। मूल्य र आम्दानी अनुपात चाही करिव १६ गुणा रहेको छ भने निस्क्रिय कर्जा १ दशमलव ४६ प्रतिशत रहेको छ। कम्पनीको किताबी मूल्य १३६ रुपैयाँ ७६ पैसा रहेको छ।
प्रमुख आम्दानीको स्रोत खुद व्याज आम्दानी ५१ प्रतिशतले वृद्धि भएर ७ करोड २५ लाख पुगेको छ।
निक्षेप संकलन ५ प्रतिशतले वृद्धि भएर ५ अर्ब ८१ करोड पुगेको छ भने आर्थिक वर्षको प्रथम त्रैमासमा कम्पनीले कर्जा प्रवाहमा १ प्रतिशतले सामान्य वृद्धि गरेर ४ अर्ब ५९ करोड पुगेको छ।
