काठमाडौं । जापानको प्रधानमन्त्री कार्यालयले आपतकालीन चेतावनी जारी गरेको छ। जसमा उत्तर कोरियाले संदिग्ध ब्यालिस्टिक क्षेप्यास्त्र प्रहार गरेको उल्लेख छ।
जापानी प्रधानमन्त्री कार्यालयले सामाजिक सञ्जाल प्लेटफर्म एक्समा यो जानकारी पोस्ट गरेको छ। घटनाका बारेमा थप जानकारी संकलन भइरहेको बताइएको छ।
शंकास्पद क्षेप्यास्त्र प्रक्षेपणपछि जापानका प्रधानमन्त्रीले धेरै निर्देशनहरु जारी गरेका छन्। यसमा भनिएको छ, ‘जानकारी संकलन र विश्लेषण गर्न तथा जनतालाई समयमै र उपयुक्त जानकारी प्रदान गर्न हरसम्भव प्रयास गर्नुहोस्।’
विमान, जहाज र अन्य सम्पत्तिको सुरक्षा सुनिश्चित गर्न प्रधानमन्त्री कार्यालयले आह्वान गरेको छ। आपतकालीन अवस्थाको लागि तयारी सहित सबै सम्भावित सावधानीका उपाय अपनाउन कार्यालयले आग्रह गरेको छ। –एजेन्सी
