काठमाडौं । सिभिल क्यापिटल मार्केट र बुद्ध एयरबीच सम्झाता भएको छ । क्यापीटल र बुद्ध एयरबीच कर्मचारी र ग्राहकहरुलाई एक अर्काको सेवामा छुट दिने सम्झौता भएको हो ।
सम्झौतामा सिभिल क्यापिटल मार्केट लिमिटेडका का.मु प्रमुख कार्यकारी अधिकृत सुसिल महर्जन र बुद्ध एयर प्रा. लि. का विक्री तथा बजार व्यवस्थापन निर्देशक रुपेश जोशीले हस्ताक्षर गरेका छन् ।
यस सम्झौतापत्र को आदानप्रदान कार्य सिभिल क्यापिटल मार्केट का.मु.प्रमुखकार्यकारी अधिकृत सुसिल महर्जन र बुद्ध एयर प्रा. लि. का मानव संसाधन निर्देशक खगेन्द्र बहादुर बस्नेतबीच भएको हो ।
सिभिल क्यापिटल मार्केटले यसअघि पनि अन्य संघसंस्थाहरुसँग यस किसिमको सहकार्य गरिसकेको छ । एअरलाइन्स, अस्पताल, सञ्चार लगायतका क्षेत्रमा ग्राहक र कर्मचारीलाई आवश्यक सेवासुविधा र सहुलियत उपलब्ध गराउन यस्ता सहमतिहरु गरिएको सिभिल क्यापिटलले जनाएको छ ।