काठमाडौं । सनराइज म्युचुअल फण्ड अन्तर्गत सञ्चालन हुने सनराइज फर्स्ट म्युचुअल फण्डको इकाईमा आवेदन दिने समय लम्बिएको छ । योजनाको इकाईमा कार्तिक ७ गतेसम्म आवेदन दिन सकिने भएको छ । यसअघि योजनाको इकाइमा आवेदन दिने छिटो अवधि असोज १२ गतेसम्म थियो ।
योजनाले असोज ८ गतेदेखि रू. १० अंकित दरको १० करोड कित्ता इकाइ विक्रीमा ल्याएको थियो । जसमध्ये १ करोड ५० लाख कित्ता कोष प्रवर्द्धक सनराइज बैंकलाई सुरक्षित राखी बाँकी रहेको ८ करोड ५० लाख कित्ता इकाइ सार्वजनिक निष्कासनमार्फत विक्रीमा ल्याएको हो । ।
आवेदकले न्यूनतम १०० कित्ता र अधिकतममा १ करोड कित्तासम्म आवेदन दिन सक्नेछन् ।
आवेदकहरुले नेपाल धितोपत्र बोर्डबाट स्वीकृति प्राप्त गरेका आस्बा सदस्य बैंक तथा वित्तीय संस्थाबाट आवेदन दिन सक्नेछन् । निष्कासन तथा विक्री प्रबन्धकको काम सनराइज क्यापिटल लिमिटेडले गरेको छ ।
