काठमाडौं । गुराँस लघुवित्त वित्तीय संस्थाको लाभांशमा संशोधन भएको छ । नेपाल राष्ट्र बैंकसँगको छलफलपछि पुरानो लाभांशदरमा संशोधन गरिएको कम्पनीले जनाएको छ ।
नेपाल राष्ट्र बैंकसँगको छलफलपछि कम्पनीले ७ दशमलव ६१ प्रतिशत बोनस सेयर दिने भएको छ । यस्तै, बोनस सेयरमा लाग्ने करका लागि ० दशमलव ४० प्रतिशत नगद लाभांश पनि वितरण गर्ने भएको जनाएको छ ।
यसअघि गुराँस लघुवित्तले ८ दशमलव ३८७ प्रतिशत बोनस सेयर र ० दशमलव ४४१ प्रतिशत नगद वितरण गर्ने जनाएको थियो ।
संशोधित लाभांश नियामक राष्ट्र बैंक र आगामी वार्षिक साधारण सभाले अनुमोदन गरेपछि लगानीकर्तालाई वितरण गरिने कम्पनीले जनाएको छ ।
