काठमाडौं । संविधान दिवसको अवसरमा एनआइसी एशिया बैंकका प्रमख कार्यकारी अधिकृत रोशन कुमार न्यौपाने सम्माननीय राष्ट्रपति विद्यादेवि भण्डारीबाट विभुषित भएका छन् । संविधान दिवसका दिन प्रबल जनसेवा श्री (चतुर्थ श्रेणी) बाट सिईओ न्यौपानेलाई विभुषित गरिएको राष्ट्रपति कार्यालयद्वारा जारी सूचनामा जनाइएको छ ।
राष्ट्रपति कार्यालयले संविधान दिवसको दिन कूल ६३४ वटा पदक वितरण गर्ने निर्णय गरेको थियो ।
सोही मध्ये मुलुकको समग्र बैंकिङ्ग क्षेत्रमा न्यौपानेले पुर्याएको योगदानको कदर गर्दै सरकारको सिफारिसमा राष्ट्रपति कार्यालय शुक्रबार उक्त पद्ववि दिनेघोषणा गरेको हो । एनआईसी एसिया बैंकका सिईओ न्यौपानेले नेपालको बैंकिङ इतिहासमा नै नयाँ अवधारणा स्थापित गरी बैंकिङ्ग क्षेत्रलाई बैज्ञानिक ढंगले परिभाषित गर्दै त्यसलाई उत्कृष्ट कार्य गरेर परम्परागत बैंकिङ प्रणालीलाई चुनौति दिँदै आएका छन् । ३९ बर्षिय न्यौपाने नेपालको दुर्गम जिल्ला रसुवामा जन्मेर चार्टर्ड एकाउन्टेन्ट अध्ययन गर्दै बैंकिङ सेवामा प्रवेश गरेका व्यक्ति हुन् ।
पदक भने राष्ट्रपति निवासमा पछि कार्यक्रम गरी वितरण गरिनेछ ।
