काठमाडौं । गुराँस लाइफ इन्स्योरेन्स कम्पनी लिमिटेडले मृतकको परिवारलाई मृत्यु दाबी भुक्तानी गरेको छ । गुँरास लाइफ इन्स्योरेन्स कम्पनीमा बीमा गरेका रत्ननगर नगरपालिका वार्ड न. १ निवासी बर्ष २९ का बीमित घनश्याम पराजुलीको हकवाला श्रीमती राधा देबि शर्मालाई १३ लाख रुपैयाँ चेक हस्तान्तरण गरेको हो ।
मृतक पराजुलीको दुर्घटनामा परी निधन भएको थियो । सोही अनुरुप कम्पनीले उनलाई मृत्यु दावी भुक्तानी वापतको रकम हस्तान्तरण गरेको हो ।
उक्त चेक गुराँस लाइफ इन्स्योरेन्स कम्पनी लिमिटेड शाखा कार्यालय नारायणगढका शाखा प्रमुख ओमकार सिग्देलले मृतक पराजुलीको श्रीमतीलाई हस्तान्तरण गरेका हुन् ।
