अपडेट ७ः५५
बिहान ७ः०० बजेदेखि अबरुद्ध मोबाईल सेवा आंशिक रुपमा सञ्चालनमा आउन थालेको छ । यद्यपि अझै सहज सम्पर्क हुन सकिरहेको छैन ।
………………………………………….
काठमाडौं । आज विहानैदेखि नेपाल टेलिमकको मोवाईल सेवा अबरुद्ध भएको छ । हिजो अपग्रेड गर्ने क्रममा शनिबार राति अबरुद्ध हुनसक्ने सूचना जारी गरेको टेलिकमले आज विहानसम्म पनि उक्त अपग्रेडिङ कार्य नसकिएको अनुमान गरिएको छ । नेपाल टेलिमकको पोष्टपेड र प्रिपेड दुवै मोबाईलबाट फोन अबरुद्ध भएको छ । सञ्चार सम्पर्क नहुँदा मानिसहरु समस्या परेका छन् । टेलिमकको देशैभरि पौने दुई करोड प्रयोगकर्ता छन् ।
मोबाईलबाट फोनकल गर्न समस्या भएपनि इन्टरनेट भने चलिरहेको छ । नेपाल टेलिमकले सिष्टमलाई फोरजीमा अपग्रेड गर्ने सूचना शुक्रबार नै जारी गरेको थियो । टेलिकमले समस्या भएका फोनमा स्वीच अफ गरेर अन गर्न समेत सूचना जारी गरेको छ ।
