काठमाडौं । मुक्तिनाथ विकास बैंक लिमिटेडले प्रेमसागर फाउण्डेसन नेपाललाई आर्थिक सहयोग गरेको छ । बैंकले प्रेमसागर फाउण्डेसन नेपालले धादिङ्गको थाक्रे गाउँपालिका–५, दामेचौरमा आयोजना गरेको जनभोज अभियानलाई आर्थिक सहयोग गरेको हो ।
बैंकले जनभोजको लागि एक दिनको लागत खर्च रकम पचास हजार सहयोग गरेको छ । उक्त उक्त सहयोग रकम मुक्तिनाथ विकास बैंकका धार्के शाखाका प्रमुख राजीव आचार्यले प्रेमसागर फाउण्डेसन नेपालका व्यवस्थापक भोला राउतलाई हस्तान्तरण गरेको हो ।
फाउण्डेसनले हरेक दिन करिब पाँच सय स्कुलका बालबालिका तथा वृद्धवृद्धाहरुलाई निःशुल्क भोजन खुवाउदै आएको र करिब १५०० स्कुलका बालबालिकालाई ताजा खाजा स्कुलमा पु-याउदै आएको छ ।
हालसम्म बैंकले देशैभरी १२० वटा शाखा, २२ वटा एटिएम र करिब सात लाख ग्राहकहरुलाई विभिन्न किसिमका निक्षेप तथा कर्जा सुविधाहरु, रेमिट्यान्स सेवा, बैंकास्योरेन्स, आस्वा, मोबाइल बंैकिंङ्ग सुविधाका साथै देशैभरी भिषा नेटवर्क अन्तर्गत रहेका एटीएमबाट निःशुल्क रकम झिक्न मिल्ने सेवाहरु उपलब्ध गराएँदै आएको छ ।
