सांग्रिला डेभलपमेन्ट बैंकले नयाँ बचत खाता सञ्चालनमा ल्याएको छ । बैंकले “बचत पनि बीमा पनि” नामको बचत खाता संचालनमा ल्याएको हो ।
यस बचत खाता अन्तर्गत जीवन सुरक्षा (सरल), जीवन सुरक्षा (रजत) तथा जीवन सुरक्षा (स्वर्णिम) गरी थप ३ वटा नयाँ बचत खाताहरु रहेका छन् ।
ती विभिन्न खाताहरु खोल्ने ग्राहकका लागि १६ लाख रुपैयाँसम्मको बीमाको व्यवस्था गरिएको बैंकले जनाएको छ ।
यसमा खाताको प्रकृति अनुसार दुर्घटना बीमा, औषधि उपचार बीमा तथा घातक रोगको उपचार बीमा सम्बन्धी सुविधाहरु रहेका छन् ।
