सरकारले पुनर्बीमा नीतिलाई परिवर्तन गर्ने भएको छ । नेपालमा विदेशी पुनर्बीमा व्यवसायलाई भित्र्याउनका लागि सरकारले नेपालको पुनर्बीमा नीति परिवर्तन गर्ने भएको हो । हाल नेपालमा एउटा मात्रै पुनर्बीमा कम्पनी नेपाल पुनर्बीमा कम्पनी लिमिटेड सञ्चालनमा रहेको छ । सरकारले नेपाली बीमा कम्पनीहरुलाई आफ्नो व्यवसायको २० प्रतिशत पुनर्बीमा नेपाल पुनर्बीमा कम्पनीमा नै गर्नुपर्ने व्यवस्था गरेको छ ।
नेपाल पुनर्बीमा कम्पनीले कतिपय जीवन बीमा कम्पनीको शतप्रशित जोखिम धारणा गरेको छ । त्यस्तै, भारत, भुटान, बंगलादेश लगायतका बीमा कम्पनी र पुनर्बीमा कम्पनीसँग पुनर्बीमा सम्झौता गर्दै आएको छ ।
त्यस्तै नेपालमा बीमाको पहुँच विस्तार गर्न बीमा सेवा प्रदायक निकायहरुको संस्थागत र प्रणालीगत सुधार गर्ने सरकारको योजना रहेको छ । कृषि र लघु उद्यम सेवामा बिमा सेवा सहज गर्न घुम्ती बीमा कार्यक्रम सञ्चालन गरिने भएको छ ।
