काठमाडौं । भर्जिनिया, अमेरिका चर्चामा रहेको ममता काफ्ले भट्ट हत्या तथा बेपत्ता प्रकरणमा अमेरिकाको एक अदालतले महिना दिनभन्दा लामो सुनुवाइपछि ऐतिहासिक फैसला सुनाएको छ। भर्जिनियाको प्रिन्स विलियम काउन्टी अदालतको जुरीले ममताका पति नरेश भट्टलाई उनकी पत्नीको हत्या गरेको अभियोगमा पहिलो श्रेणीको हत्या (क्रुरतापूर्वक हत्या) लगायतका गम्भीर अपराधहरूमा दोषी ठहर गरेको छ।
जुरीले नरेश भट्टलाई पत्नी ममताको हत्या गर्नुका साथै उनको शव लुकाएको र शवमाथि अपमान गरेका थप दुई वटा अभियोगमा समेत दोषी ठहर गरेको छ।
सुनुवाइका क्रममा आरोपी नरेश भट्टले अदालतमा बयान दिँदै ममताले आत्महत्या गरेको दाबी गरेका थिए। उनले घरमा मृत फेला पारेपछि डराएर आफूले शवलाई आराले टुक्रा-टुक्रा पारेर फ्याँकेको बयान दिएका थिए। तर, अभियोजन पक्षले पेस गरेको वैज्ञानिक प्रमाण (फरेन्सिक डिएनएनए), सडक तथा घरका सडक क्यामेराका फुटेज, डिजिटल सर्च इतिहास र फोन रेकर्डहरूले उनको दाबीलाई पूर्ण रूपमा खारेज गरिदिए।
अभियोजन पक्षले नरेशले नै योजनाबद्ध रूपमा ममताको हत्या गरी उत्तर भर्जिनियाका विभिन्न स्थानहरूमा σκ्यास (कचरा) का झोलाहरूमा लासका टुक्राहरू लुकाएको प्रमाणित गरेको थियो। ममताको शव भने हालसम्म फेला पर्न सकेको छैन।
अदालतको यस फैसलानसँगै नरेश भट्टलाई २० वर्षदेखि जन्मकैदसम्मको सजाय हुने कानूनी प्रावधान रहेको छ भने शव लुकाएको र अपमान गरेको अभियोगमा थप ५–५ वर्षसम्मको सजाय हुन सक्नेछ। उनको सजाय निर्धारण आगामी मार्च १२ तारिखमा हुनेछ भने अदालतले उनको धरौटी समेत खारेज गरी जेल चलान गरेको छ।
ममताका दाजु महेश काफ्लेलगायत परिवारका सदस्यहरूले यस न्यायले ममताको आत्माले शान्ति पाउने र सत्यको जित भएको प्रतिक्रिया दिएका छन्। अभियोजन पक्षले पनि दुई वर्षभन्दा बढी समयदेखिको पीडा र अनिश्चिततापछि पीडित परिवारले न्याय पाएको बताएको छ।
