काठमाडौं । सगरमाथा लुम्बिनी इन्स्योरेन्स कम्पनी लिमिटेड (सलिको) द्वारा ३१ अक्टोबर २०२६ शनिबारका दिन गोकर्ण फरेस्ट रिसोर्टमा आयोजना हुन गइरहेको “सलिको गल्फ टुर्नामेन्ट २०२६” प्रतिकूल मौसमका कारण स्थगित गरी नयाँ मिति तय गरिएको छ ।
उक्त प्रतियोगिता १४ नोभेम्बर २०२६ शनिबार का दिन गोकर्ण फरेस्ट रिसोर्टमा आयोजना हुने भएको छ। हालैमात्र देशमा देखिएको मौसमको प्रतिकूलताका कारण प्रतियोगिताको मिति परिवर्तन गर्नुपरेकोमा कम्पनी सम्बन्धित सबैमा पर्न गएको असुविधाप्रति क्षमाप्रार्थी रहेको बताएको छ ।
