काठमाडौं । कामना सेवा विकास बैंक आर्थिक वर्ष २०८२।८३ को लाभांश घोषणा गर्ने पहिलो बैंक बनेको छ।
बैंक सञ्चालक समितिको आज दिउँसो ४ बजेको बैठकले उक्त आर्थिक वर्षको अन्त्यमा कायम रहेको वितरणयोग्य मुनाफाबाट शेयरधनीहरुलाई हाल कायम चुक्तापुँजी ४ अर्ब २१ करोड १९ लाख ३० हजार ८१४.९४ रुपैयाँमध्ये अग्राधिकार शेयरपुँजी ३५ करोड रुपैयाँ बाँडफाँट भएको मितिबाट गत असार मसान्तसम्म आनुपातिक रुपमा ९ प्रतिशतका दरले हुन आउने रकम १ करोड ४० लाख ६७ हजार १२३.२९ रुपैयाँ र साधारण शेयरपुँजी ३ अर्ब ८६ करोड १९ लाख ३० हजार ८१४.९४ रुपैयाँको १५ प्रतिशतले हुन आउने ५७ करोड ९२ लाख ८९ हजार ६२२.२४ रुपैयाँ नगद लाभांश (करसहित) वितरण गर्ने प्रस्ताव गरेको हो।
प्रस्तावित लाभांश नेपाल राष्ट्र बैंकको स्वीकृतिपछि आगामी वार्षिक साधारणसभाबाट अनुमोदन गरी शेयरधनीहरुलाई वितरण गरिने बैंकले जनाएको छ।
