काठमाडौं । विश्वका सबैभन्दा ठूला बीमा कम्पनीहरुमध्ये एक एलियान्जले अन्तर्राष्ट्रिय यात्रुहरुका लागि आफ्नो यात्रा बीमामा ई–सिम मोबाइल डाटा थपेको छ।
यो नयाँ सेवाले ग्राहकलाई एउटै प्याकेजमा विदेशमा प्रयोगका लागि यात्रा बीमा र मोबाइल इन्टरनेट पहुँच प्राप्त गर्न अनुमति दिनेछ। यसले धेरै अवस्थामा विदेश आइपुग्दा स्थानीय सिम कार्ड वा छुट्टै डाटा प्याकेज खरिद गर्नुपर्ने आवश्यकतालाई हटाउनेछ।
यो पहल त्यस्तो समयमा आएको हो जब अन्तर्राष्ट्रिय यात्राका लागि निर्वाध इन्टरनेट जडान लगभग आवश्यक भएको छ। विमानस्थलदेखि होटलसम्म, गुगल म्यापमा डाइरेक्सनहरु फेला पार्ने, उडान तालिका जाँच गर्ने, राइड–सेयरिङ प्रयोग गर्ने, अनलाइन भुक्तानी गर्ने वा परिवारसँग कुराकानी गर्ने– सबैलाई मोबाइल डेटा चाहिन्छ। यद्यपि, धेरै यात्रु विदेश आइपुग्छन् र स्थानीय सिम संकलन, दर्ता वा महँगो अन्तर्राष्ट्रिय रोमिङमा कठिनाइहरुको सामना गर्छन्।
एलियान्जले यो सेवा आफ्ना साझेदार संस्था र डिजिटल बिक्री प्लेटफर्महरुमार्फत उपलब्ध हुने जनाएको छ। ग्राहकले यात्रा बीमा खरिद गर्दा ई–सिम–इनरिच्ड प्याकेजहरु छनौट गर्न सक्छन्। त्यसपछि आफ्नो गन्तव्यमा आइपुग्ने बित्तिकै इन्टरनेट प्रयोग गर्न सकिन्छ। यसले छुट्टै सिम कार्ड संकलन गर्ने वा नयाँ डाटा प्याकेज खरिद गर्ने आवश्यकतालाई हटाउँछ।
ई–सिम वा इम्बेडेड सिम एक डिजिटल सिम कार्ड हो। जुन पहिले नै यात्रुको फोनमा जडान गरिएको छ। नियमित सिम कार्डजस्तो नभई यसलाई खोल्न वा बदल्न आवश्यक पर्दैन। सामान्यतया यसलाई क्यूआर कोड स्क्यान गरेर वा अपरेटरको जानकारी प्रयोग गरेर सक्रिय गर्न सकिन्छ।
यो प्रविधि हाल बजारमा रहेका धेरै नयाँ स्मार्टफोन, ट्याब्लेट र स्मार्टवाचमा उपलब्ध छ। –एजेन्सी
