काठमाडौं । दक्षिण कोरियाले आफ्नो रोजगार बीमा कभरेजको दायरा विस्तार गर्न गिग र शैक्षिक कामदारअन्तर्गत थप वर्ग समावेश गर्ने भएको छ।
चोसुन्बिजमा प्रकाशित समाचारअनुसार कोरियाको श्रम मन्त्रालयले चार रोजगार वर्गमा कामदारलाई रोजगार बीमा कभरेज विस्तार गर्ने मस्यौदा आदेशको साथ अग्रिम सूचना जारी गरेको छ। अग्रिम सूचना जुलाई २२ मा जारी गरिएको थियो र अगस्ट ३१ सम्म सार्वजनिक टिप्पणीका लागि खुला रहनेछ।
मस्यौदा आदेशमा क्रस–भर्तीकर्ताहरु (जीवन र निर्जीवन बीमा दुवैका लागि भर्ती गर्न सक्ने योजनाकारहरु) र क्रेडिट युनियनहरु र कोरियाली फेडरेसन अफ कम्युनिटी क्रेडिट कोअपरेटिभ्स (केएफसीसी) पारस्परिक सहायताका लागि भर्तीकर्ताहरु समावेश छन्। शिक्षा वर्गअन्तर्गत मस्यौदामा किन्डरगार्टनहरुमा विशेष स्कुलपछिका कार्यक्रमहरुका लागि प्रशिक्षकहरु र डेकेयर सेन्टरहरुमा विशेष गतिविधि कार्यक्रमहरुका लागि प्रशिक्षकहरु समावेश छन्।
उपभोक्ता रसद सेवा ऐनअन्तर्गत फर्निचर स्थापनासँग सम्बन्धित डेलिभरीहरु ह्यान्डल गर्ने चालकहरुलाई पार्सल डेलिभरी चालक श्रेणीमा थपिएको छ र सम्बद्ध भर्तीकर्तालाई क्रेडिट कार्ड सदस्यता भर्तीकर्ता श्रेणीमा थपिएको छ।
हाल रोजगार बीमाले समेटेको
- बीमा योजनाकारहरु
- स्कुलपछिका प्रशिक्षकहरु
- पार्सल डेलिभरी चालकहरु
- क्रेडिट कार्ड सदस्यता भर्तीकर्ताहरु
यो योजनाले धेरै कम वर्गलाई समेटेको महसुस भएको थियो। त्यसैले संशोधित कानुन पेस गरिएको थियो। दक्षिण कोरियाली श्रम मन्त्रालयले संशोधित रोजगार बीमामा १७ हजार थप सदस्य सामेल हुने अपेक्षा गरेको छ। –एजेन्सी
