काठमाडौं । भोटेकोशी नदीमा आएको बाढीले रसुवागढी हाइड्रोपावरमा पनि क्षति पुगेको छ । बाढीले हाइड्रोपावरको बाँध बगाएको छ।
बाढीले रसुवागढी हाइड्रोपावरको क्याम्प पनि बगाएको छ। क्याम्प बगाएपछि कर्मचारी भागेर सुरक्षित स्थलतिर लागेका छन्। हाइड्रोपावरको विद्युत् उत्पादन गृह भने सुरक्षित रहेको छ।
रसुवागढी हाइड्रोपावरका एक अधिकारीका अनुसार जलविद्युत आयोजनाको भौतिक संरचनामा ठूलो क्षति भएको छ। ‘यहाँ कर्मचारीहरु जंगलतिर भागेका छन्’, ती अधिकारीले भने, ‘उनीहरुको उद्धारका लागि पहल भइरहेको छ।’
