काठमाडौं । सांग्रिला डेभलपमेन्ट बैंकले संस्थापक शेयर बिक्री गर्ने भएको छ । बैंकका केही संस्थापक शेयरधनीहरुले आफ्नो नाममा रहेको शेयर बिक्रीका लागि निवेदन पेश गरे अनुसार बै.कले सो शेयर बिक्री गर्न लागेको हो ।
बैंकका संस्थापक शेयरधनी ओसिन बतासको नाममा रहेको २५ हजार ७५९ कित्ता, विश्व प्रकाश गुरुङको नाममा रहेको २५ हजार ७५९ कित्ता र बलराम श्रोष्ठको नाममा रहेको ६४ हजार कित्ता संस्थापक शेयर बिक्री गर्न लागेको हो ।
शेयर खरिद गर्न ईच्छुक संस्थापक शेयरधनीले सूचना प्रकाशति भएको मितिले ३५ दिनभित्र आवेदन दिनुपर्नेछ । यस अवधिभित्र आफूले खरीद गर्न चाहेको शेयर विवरण खुलाई काठमाडौंको बालुवाटारस्थित बैंकको केन्द्रीय कार्यालयमा निवेदन दिनु पर्नेछ।
