काठमाडौं । माईखोला हाइड्रोपावरले विद्युत नियमन आयोगबाट हकप्रद शेयर जारी गर्न सहमति पाएको छ।
कम्पनीले आयोगबाट हाल कायम चुक्तापुँजीको १ः१ अनुपात अर्थात १०० प्रतिशत हकप्रद शेयर जारी गर्ने सहमति पाएको हो। कम्पनीको चुक्तापुँजी ३९ करोड २१ लाख ५६ हजार ८०० रुपैयाँ रहेको छ। कम्पनीले अब चुक्तापुँजीबराबरकै हकप्रद शेयर ल्याउनेछ।
हकप्रद शेयर जारी गर्न अब कम्पनीले धितोपत्र बोर्डबाटमा निवेदन दिनुपर्नेछ। धितोपत्र बोर्डले अनुमति दिएपछि यो कम्पनीले आफ्ना शेयरधनीहरुलाई हकप्रद शेयर निष्कासन गर्नेछ।
