काठमाडौं । भारतको बीमा नियामक तथा विकास प्राधिकरणले चेन्नईस्थित रोयल सुन्दरम जनरल इन्स्योरेन्सलाई १ करोड भारतीय रूपैयाँ (१ अर्ब ६० करोड रूपैयाँ) जरिवाना गरेको छ। बीमा कानून सम्बन्धी केही प्रावधानको उलंघन गरेको र आउटसोर्सिङ मापदण्डको पालना नगरेको पुष्टीपछि यो निर्जीवन बीमकले नगद जरिवानाको दण्ड भोग्नु परेको हो।
प्राधिकरणका अनुसार १४ सेप्टेम्बर २०२० देखि २५ सेप्टेम्बर २०२० सम्म बीमकको कारोबार सम्बन्धमा गैरस्थलगत अनुगमन गरेको थियो। अनुगमनका क्रममा साथै अन्य मुद्दाहरूले बीमकले बीमा ऐन, १९३८ र अन्य नियमहरू,निर्देशनहरूको धेरै प्रावधान उल्लङ्घन गरेको तथ्य फेला परेको थियो।
प्राधिकरणका दुई सदस्यहरू- राजय कुमार सिन्हा र दीपक सूदद्वारा पारित आदेशमा, बीमा नियामकले २०१८-१९ र २०१९-२० मा यो निर्जीवन बीमकले १ करोड भारुभन्दा बढीको भुक्तानी प्राधिकरणमा दायर गरिएको आउटसोर्सिङ भुक्तानीको सम्बन्धमा जानकारी नगराएको एशिया इन्स्योरेन्स पोष्टले उल्लेख गरेको छ।
बीमा नियामकले गैर स्थलगत अनुगमका क्रममा बीमाकर्ताले व्यक्तिगत दुर्घटना, स्वास्थ्य, व्यक्तिगत र समूह योजनामा भारु.१२३.४३ करोड बराबरको लगभग ५३, ३५४ दाबीहरू एक पटक अस्वीकृत गरेर पुन: खोलेको छ। त्यस्तै, बीमकर्ताले भारु.३४.९९ करोड बराबरको लगभग ६,४६६ दाबीहरू तामेलीमा राखेको थियो। बीमितले पुनः आवश्यक कागजातहरू पेश गरेपछि दाबी भुक्तानी फर्छ्याैट गरेको थियो।
बीमकले बारम्बार अनुरोध गर्दा समेत कागजातहरू हराएको कारणले गर्दा शुरूमा केवल ७६ दाबी भुक्तानी गरिएका थिए, र पछि बीमितले आवश्यक कागजात पेश गरेपछि पहिलो भुक्तानी लेनदेनको रूपमा पुन: खोलिएको, भुक्तानी गरिएको र फर्छ्याैट गरिएको थियो।
