काठमाडौं । क्यानडामा ३ वर्षयताकै उच्च बेरोजगारी दर पुगेको छ। गत नोभेम्बरमा क्यानडामा बेरोजगारी दर बढेर ६.८ प्रतिशत पुगेको छ। जुन २०२१ यताकै उच्च हो।
पछिल्लो २ वर्षमा क्यानडाको बेरोजगारी दरमा १.८ प्रतिशतले बढेको छ। युवा बेरोजगारी दर पनि ४.६ प्रतिशतले बढेर १३.९ प्रतिशत पुगेको छ।
यसैबीच बैंक अफ क्यानडाले नीतिगत ब्याजदर ५० बेसिस प्वइन्टले कटौती गरेको छ। योसँगै यस वर्ष क्यानडाले पाँचपटक ब्याजदर कटौती गरिसकेको छ।
क्यानडाको अर्थतन्त्रमा पछिल्लो ६ त्रैमासिकदेखि गिरावट आइरहेको छ। विज्ञहरुले क्यानडा मन्दीतर्फ उन्मुख रहेको भन्दै चिन्ता व्यक्त गर्न थालेका छन्।
