काठमाडौं । नेपाल राष्ट्र बैंकले बैंकहरुमा ४ अर्ब ३७ करोड रुपैयाँ लगानी गर्ने भएको छ।
केन्द्रीय बैंकले एक सूचना प्रकाशित गरी बैंकहरुको उपदान तथा पेन्सन कोषमा रहेको ३ अर्ब रुपैयाँ र कर्मचारी सुरक्षण कोषमा रहेको १ अर्ब ३७ करोड रुपैयाँ गरी कुल ४ अर्ब ३७ करोड रुपैयाँ मुद्दति निक्षेपका रुपमा लगानी गर्ने जानकारी गराएको हो।
राष्ट्र बैंकले क वर्गका वाणिज्य बैंकमा ३ अर्ब ४९ करोड ६० लाख रुपैयाँ, ख वर्गका राष्ट्रियस्तरका विकास बैंकमा ६५ करोड ५५ लाख रुपैयाँ र ग वर्गका राष्ट्रियस्तरका वित्त कम्पनीमा २१ करोड ८५ लाख रुपैयाँ मुद्दति निक्षेपमा जानकारी गराएको छ।
मुद्दति निक्षेपका रुपमा लिन चाहने बैंकहरुले मंसिर २३ गते राति ७ बजेसम्म ब्याजदर प्रस्ताव गर्न राष्ट्र बैंकले आह्वान गरेको छ। यस्तो मुद्दति निक्षेप २०८१ पुस २ देखि २०८२ पुस २ सम्म ३६६ दिनका लागि हुने राष्ट्र बैंकले जनाएको छ।
