इन्स्योरेन्स खबर/काठमाडौं: नेपाल लाइफ इन्स्योरेन्स कम्पनी लिमिटेडको चालु आर्थिक वर्षको तेश्रो त्रैमाशिक सम्मको नाफा अघिल्लो आर्थिक बर्षको सोही समयको भन्दा ६.३७ प्रतिशतले बढेको छ । चालु आर्थिक वर्षको चैत मसान्तसम्म कम्पनीले ४३ करोड ५७ लाख रुपैयाँ खुदनाफा गरेको छ । गत आवको सोही अवधिमा कम्पनीले ४० करोड ९६ लाख रुपैयाँ नाफा गरेको थियो ।
चालु आवको चैतसम्म नेपाल लाइफले ८२ करोड ६५ लाख रुपैयाँ आम्दानी गरेको छ । गत आवको सोही अवधिमा ५४ करोड २१ लाख रुपैयाँ आम्दानी गरेको थियो । बिशेषत जिबन बिमा कम्पनी हरुको एक आर्थिक वर्षको प्रतिबेदनको बिमाङ्किय मुल्यांकन/एक्चुरि गरे पछि मात्र वास्तविक मुनाफाको हिसाब-किताब निस्किन्छ, तसर्थ बिमाङ्किय मुल्यांकन/एक्चुरि पछि कम्पनीको मुनाफामा फरक पर्न सक्ने कम्पनीले जनाएको छ ।
कम्पनीले संचालनको समय दखि हालसम्म ६३ अर्ब १५ करोड रुपैयाँ बीमा शुल्क आर्जन गरेको छ । चालु आवमा मात्रै १० अर्ब ७७ करोड रुपैयाँ आर्जन गरेको कम्पनीले जनाएको छ । कम्पनीसंग हालसम्म ११ लाख १२ हजार ५७९ बीमालेख रहेको छ। कम्पनीको जगेडा कोषमा ३ अर्ब ४८ करोड रुपैयाँ रहेको छ । जीवन बीमाको क्षेमा सशक्त कम्पनी नेपाल लाईफको जीवन बीमा कोष झण्डै आधा खर्ब पुग्न लागेको छ । ११ लाख १२ हजार भन्दा बढी बिमितबाट संकलन गरिएको प्रिमियम र लगानीबाट प्राप्त रकमको हिसाबका आधारमाा बिश्लेषण गर्दा जीवन बीमाको क्षेत्रमा नेपाल लाईफ नेपालको अग्रणी जीवन बिमा कम्पनी रहेको देखिन्छ ।
