काठमाडौं । सिटी होटलले आफ्ना शेयरधनीहरुका लागि हकप्रद शेयर ल्याउने भएको छ।
होटल सञ्चालक समितिको बैठकले आफ्ना शेयरधनीहरुलाई चुक्तापुँजीको १ः०.८ अनुपातमा अर्थात ८० प्रतिशत हकप्रद शेयर ल्याउने निर्णय गरेको हो। होटलको ऋण चुक्ता गर्न हकप्रद ल्याउने निर्णय गरिएको होटलले जनाएको छ।
हकप्रदसम्बन्धी प्रस्ताव आगामी वार्षिक साधारणसभामा पेस गरिने होटलले जनाएको छ। त्यसपछि हकप्रद ल्याउन थप प्रक्रिया होटलले अगाडि बढाउनेछ।
