काठमाडौं । विश्व बजारमा कच्चा तेल र सुनको मूल्यमा भारी गिरावट आएको छ।
अमेरिकाको राष्ट्रपतिमा डोनाल्ड ट्रम्प विजयी भएसँगै विश्व बजारमा कच्चा तेल र सुनको मूल्यमा भारी गिरावट आएको हो। विश्वका अमेरिकाको रिपब्लिकन पार्टी त्यति उदार मानिँदैन।
विश्व बजारमा बिहीबार बिहानसम्म सुनको भाउ प्रतिऔँस ८२.९४ डलरले घटेको छ। योसँगै प्रतिऔँस सुनको भाउ २६५७.०९ डलरमा कारोबार भइरहेको छ।
उता कच्चा तेलको भाउ भारी गिरावट आएको छ। ब्रेन्ट क्रुडको मूल्य १.६७ प्रतिशतले घटेर प्रतिब्यारेल ७४.२२ डलरमा कारोबार भइरहेको छ। डब्ल्यूटीआई बजारमा कच्चा तेलको मूल्य १.७४ प्रतिशतले घटेर प्रतिब्यारेल ७०.७७ डलरमा झरेको छ।
राष्ट्रपतिमा रिपब्लिकन पार्टीका तर्फबाट ट्रम्प विजयी भएपछि अमेरिकाको अर्थतन्त्र र डलर बलियो हुने विश्लेषकहरु बताउँछन्। सोही कारण कच्चा तेल र सुनको भाउ घटेको उनीहरुको विश्लेषण छ। भाउ अझै घट्न सक्ने उनीहरुको अनुमान छ।
