काठमाडौं। आधा शताब्दीमा पहिलोपटक सहारा मरुभूमिमा भीषण वर्षा भएको छ। अनौठो मौसमका कारण मोरक्कोको छेउछाउको सहारा मरुभूमिमा लगातार दुई दिनसम्म पानी परेको थियो। जसका कारण धेरै ठाउँमा बाढी पनि आएको छ।
मोरक्कोको राजधानी रबातबाट करिब ४५० किलोमिटर टाढा टाटा कार क्षेत्र छ। त्यस क्षेत्रमा एउटा गाउँ छ, ट्यागोयुनाइट। त्यहाँ सबैभन्दा बढी पानी परेको छ। सबैभन्दा बढी बाढी यहाँ पनि आएको छ।
ट्यागोयुनाइटमा एकैदिन १०० मिलिमिटर वर्षा भएको छ। यो वार्षिक औसतभन्दा धेरै गुणा बढी हो। यतिबेला सहारामा गर्मी छ। यस्तो अवस्थामा यस्तो वर्षा हुनु अचम्मको कुरा हो। यो मौसमी परिवर्तनले वैज्ञानिकहरु छक्क परेका छन्।
यो वर्षाका कारण इरिकी ताल फेरि पानीले भरिएको छ। यो ताल सन् १९२५ देखि सुकेको थियो। वर्षाका कारण स्याटेलाइट तस्बिरमा सौन्दर्य बढेको देखिन्छ। किनभने मरुभूमिको बीचमा पानीको यति ठूलो स्रोत फेरि जीवित भएको छ।
मोरक्कनका मौसमविद् हुसेन युआबले जलवायु परिवर्तनका कारण यो परिवर्तन भएको बताए। अहिले यस क्षेत्रमा मौसम बदली भइरहेको छ। भविष्यमा यस्ता घटना थप हुन सक्छन्। यस्तो वर्षा दशकौँदेखि देखिएको थिएन। जसका कारण भूमिगत पानीको सतह बढेको छ तर यो मौसम जनताका लागि पनि खतरनाक छ।
विगत केही दिनदेखि यहाँको हावामा आर्द्रता रहेको हुसेनले बताए। वायुमण्डलमा आर्द्रता पनि बढेको छ। त्यसैले सहारामा पनि चरम मौसमी घटनाहरु देखिन सक्ने डर थियो। तर, एउटा फाइदा यो पनि भएको छ कि यो वर्षाले स्थानीय किसानहरुको अनुहार उज्यालो भएको छ। त्यहाँ धेरै वर्षसम्म खडेरी परेको थियो।
त्यहाँ अचानक आएको बाढीका कारण १८ जनाको मृत्यु भएको छ। धेरै ठाउँमा बालीमा पनि क्षति पुगेको छ। मोरक्को सरकारले जनतालाई राहत सामग्री पुर्याइरहेको छ। क्षतिपूर्ति दिइरहेको छ। यो क्षेत्र गत वर्षको भूकम्पबाट मुक्त हुन सकेको छैन।
सहारा मरुभूमि ९० लाख वर्गकिलोमिटर क्षेत्रफल हो। त्यहाँ धेरै गर्मी छ। तर, अहिले यो क्षेत्र ग्लोबल वार्मिङको सिकार बन्दै गएको छ। विश्वको बदलिँदो मौसमले पनि यस क्षेत्रमा असर गर्नेछ। –एजेन्सी
