काठमाडौं । भारतका दिग्गज उद्योगी रतन टाटाको बुधबार निधन भएको छ। उनी टाटा ग्रुपका अध्यक्ष थिए। टाटा ग्रुपका कम्पनीहरुले अहिले घरका भान्सादेखि आकाशसम्म आफ्नो प्रभुत्व जमाइरहेको छ।
हाल टाटा कम्पनीका २६ कम्पनी भारतीय शेयर बजारमा सूचीकृत छन्। ती कम्पनीको कुल बजार पुँजीकरण ३६५ अर्ब डलरभन्दा बढी रहेको छ।
टाटा ग्रुपअन्तर्गत एयर इन्डिया, टाटा मोटर्स, टाटा पावर, टाटा कन्ज्युमर, टाटा कफी, टाटा कम्युनिकेसन, टाटा स्टिललगायतका कम्पनी सञ्चालनमा छन्।
वित्त वर्ष २०२३–२४ मा टाटा कम्पनीहरुको कुल आम्दानी १६५ अर्ब डलर रहेको छ। टाटा ग्रुपका कम्पनीहरुमा हाल १० लाख बढी मानिसले रोजगारी पाइरहेका छन्।
